മലയാളികളുടെ പ്രിയതാരമാണ് ഹണിറോസ്. മലയാളത്തിന് പുറമെ ഇതര ഭാഷാ ചിത്രങ്ങളിലും ഹണി തിളങ്ങിനിൽക്കുകയാണ്. സിനിമയ്ക്ക് പുറമെ ഉദ്ഘാടന വേദികളിൽ സ്ഥിരസാന്നിധ്യം ആണ് നടി.
സോഷ്യൽ മീഡിയയിൽ സജീവമായ താരം ഇതിന്‍റെ വീഡിയോകളും ചിത്രങ്ങളുമെല്ലാം ആരാധകരുമായി പങ്കുവയ്ക്കാറുണ്ട്.
ഇതുമായി ബന്ധപ്പെട്ട് ഹണി പങ്കുവച്ചൊരു പുതിയ പോസ്റ്റാണ് ഇപ്പോൾ ശ്രദ്ധനേടുന്നത്. അടുത്തിടെയാണ് ഹണിറോസ് അയർലൻഡിൽ ഒരു ഉദ്ഘാടന ചടങ്ങിത്തിയത്. ഇതിന്‍റെ വീഡിയോകൾ വൈറൽ ആയിരുന്നു.
ഒരു സംഘടന നടത്തുന്ന മെഗാ മേള ഉദ്ഘാടനം ചെയ്യാനാണ് താരം ഇവിടെ എത്തിയത്. പരിപാടിയിൽ പങ്കെടുത്ത അയർലൻഡ് ഗതാഗതമന്ത്രി ജാക്ക് ചാംബേഴ്‌സ് ഹണിക്കൊപ്പം സെൽഫി എടുക്കുകയും അത് അദ്ദേഹത്തിന്‍റെ സോഷ്യൽ മീഡിയ അക്കൗണ്ടുകളിൽ പങ്കുവയ്ക്കുകയും ചെയ്തിരുന്നു.
ഇതിന് താഴെ നിരവധി മലയാളികളാണ് കമന്‍റുകളുമായി എത്തിയത്. ഇതിന്‍റെ സ്ക്രീൻ ഷോട്ട് ആണ് ഹണി ഇപ്പോൾ പങ്കുവച്ചിരിക്കുന്നത്.
നമ്മൾ മലയാളികളുടെ ഒരു പവറേ.. ഹോ.. എന്താല്ലേ… എന്നാണ് സ്ക്രീൻ ഷോട്ടിനൊപ്പം ഹണി കുറിച്ചത്. പലരും സോഷ്യൽ മീഡിയയിലെ ട്രെന്‍റിംഗ് ഡയലോഗുകൾ ആണ് മന്ത്രിയുടെ പോസ്റ്റിന് താഴെ കമന്‍റായി രേഖപ്പെടുത്തിയിരിക്കുന്നത്.
കുറേ ലൈക്ക് ആയില്ലേ. ചെലവ് വേണം, സന്തോഷം ആയില്ലേ ജാക്ക് ചേട്ടാ, ദേ ചേച്ചി പിന്നേം, പിന്നല്ല മലയാളികൾ എവിടെ ചെന്നാലും പൊളിയല്ലേ എന്നിങ്ങനെ പോകുന്നു കമന്‍റുകൾ.
